ကျပ်သိန်း ၇၀၀ ကျော်ထည့်ထားသည့် မီးခံသေတ္တာကို ပုံစံတူသေတ္တာအတုဖြင့် လဲလှယ်၍ ခိုးယူသွားဟုဆို

ကျပ်သိန်း ၇၀၀ ကျော် တန်ကြေးရှိ အမေရိကန်ဒေါ်လာများ ထည့်ထားသည့် မီးခံသေတ္တာကို ပုံစံတူ သေတ္တာအတုဖြင့် အစားထိုးလဲလှယ်ပြီး ခိုးယူသွားသည်ဟု ဆိုကာအမှုဖွင့် တိုင်တန်းမှုတစ်ခုကို ကမာရွတ်ရဲစခန်းက ဖေဖော်ဝါရီ ၂၅ ရက်တွင် အမှုဖွင့် စစ်ဆေးနေသည်။

ကမာရွက် (၆)ရပ်ကွက်၊ ပြည်ရိပ်မွန်အိမ်ရာ၊ (၇)လွှာနေ အင်္ဂလိပ်စာသင်ကြားပေးသူ ဆရာတစ်ဦးဖြစ်သူ ကိုကောင်းညွှန့် (၃၉)နှစ်က အမှုဖွင့်တိုင်တန်းထားခြင်း ဖြစ်သည်။
ဖြစ်စဉ်မှာ ဖေဖော်ဝါရီ ၂၁ ရက်က တရားလိုသည် ခရီးသွားကုမ္ပဏီဖွင့်ရန် ငှားရမ်းထားသည့် ကမာရွက် မြို့နယ်၊ (၄)ရပ်ကွက်၊ ဘုရင့်နောင်တာဝါရှိ အခန်း ၁/က ၀၆၁၊ (၇)လွှာတွင် မြန်မာတန်ဖိုးငွေ ကျပ် သိန်း ၇၀၅ သိန်းကျော် တန်ဖိုးရှိသည့် နိုင်ငံခြားမှ လှူဒါန်းထားသော အမေရိကန် ဒေါ်လာ ၇၁,၉၅၆ ကို မီးခံ သေတ္တာအတွင်း သော့ခတ်သိမ်းဆည်းထားခဲ့သည်ဟု တရားလိုက ရဲထံတွင် ပြောထားသည်။

ဖေဖော်ဝါရီ ၂၄ရက် နံနက်တွင် တရားလိုဖြစ်သူ နေအိမ်၌ရှိနေစဉ် စာရင်းကိုင်ဖြစ်သူက မီးခံသေတ္တာဖွင့် မရတော့ကြောင်း ဖုန်းဆက်အကြောင်းကြားသဖြင့် ရုံးသို့သွားရောက်ကြည့်ရှုခဲ့ရာ မူလမီးခံသေတ္တာ မဟုတ်ဘဲ ပုံစံတူတစ်လုံးဖြစ်နေပြီး ဒေါ်လာငွေများ ပျောက်ဆုံးနေသည်ဟု ဆိုသည်။
ထို့အတွက် ဒေါ်လာငွေများ ခိုးယူသူကို စုံစမ်းဖော်ထုတ်ပေးရန် ကိုကောင်းညွန့်က တိုင်တန်းသဖြင့် ရဲစ ခန်းက (ပ)၉၃/ ၂၀၁၄ဖြင့် အမှုဖွင့်ပြီး ခိုးယူသူကို ပုဒ်မ ၃၈၀ဖြင့် အရေးယူနိုင်ရန် စုံစမ်းရှာဖွေနေသည်ဟု ရဲတပ်ဖွဲ့က ဆိုထားသည်။

ဇော်ဇော်ထွေး  /mizzimaburmese