ရော့ခ်ဧကရဇ်ကြီး ဖြစ်ပေါ်လာပုံ ( အပိုင်း-၁ )
ကျနော်တေးသံသွင်းကနေနားလိုက်တဲ့အခါမှာ သည်လောကနဲ့မသက်ဆိုင်တဲ့ လုပ်ငန်းထဲရောက်သွားပါတယ်။အဲဒါကတော့ စားသောက်ကုန်ပစ္စည်းထုတ်လုပ်တဲ့ လုပ်ငန်းမှာအုပ်ချုပ်သူအဖြစ်လုပ်ရပါတယ်။
အဲဒီမှာရောက်တော့ အရင်ကလို သီချင်းတောထဲမှာတော့အချိန်ပြည့် ရှိမနေနိုင်တော့တဲ့အတွက်အစကတော့မနေတတ်သလိုပါ ။
ဒါပေမဲ့ ကျနော်နဲ့အတူနေတဲ့ကောင်လေးက သီချင်းထက်ဂစ်တာတီးတာကို ၀ါသနာပါပါ တယ် ။ဂစ်တာတီးတာကတော့ ကျွမ်းကျင်အဆင့်မှာရှိပါတယ်။သူ့မှာရှိ JVC စတီရီယိုကက်ဆက်ကလေး ရှိပါတယ်။
ဒါပေမဲ့သူ့မှာရှိတဲ့ကက်ဆက်ခွေတွေကဂစ်တာလေ့ကျင့်ခန်းခွေတွေများပါတယ်။
သူနဲ့တွေ့မှ နိုင်ငံခြားက ရော့ဂစ်တာဘုရင်တွေဖြစ်တဲ့ ဂျင်မီဟင်းဒရစ်တို့၊စတီဗိုင်းတို့၊ဂျိုးဆက်သနီတို့ဆိုတဲ့
နာမယ်တွေရော သူတို့လက်သံဒေါင်ဒေါင်လန် တွေကိုပါကြားဘူးပါတော့တယ်။
သူကတော့ တီးလုံးတွေဖွင့်ပြ ပြီးရင် ဒီနားလေးကတီးလို့အရမ်းခက်တာ ဘယ်လိုတီးရတာတို့ကိုပြောရင်းသူ့ဟော်လိုဂစ်တာလေးနဲ့လဲ
တီးပြပါတယ်။တက်ပင်ပေါက်တာက ဒီလိုဆို ဂစ်တာကြိုးကိုလက်နဲ့ပုတ်ပုတ်ပြီး အသံတွေထွက်အောင် လုပ်လုပ်ပြတာ။
အစကတော့ကျနော့်နားထဲမှာဒေါင်ဒေါင် ဒန့်ဒန့်တို့ ဒွန်……………ဒူန့်ဒူန့်တို့ကို ဘဲကြားတာပေါ့။
နောက်မှသူက ရော့စကေးကဘယ်လို သူကဒရမ်ရိုက်ချက်ပေါ်မှာမှီပြီး အသံကို ရစ်တင်တို့ဆွဲတင်တာတို့တွေကိုပြောပြလို့လား
ဒါမှမဟုတ်နေ့စဉ်ကြားနေရလို့ နားယဉ်ပြီးနားထောင်တတ်လာလို့လားတော့မသိ သူတို့တီးတဲ့တီးကွက်တွေကို ခံစားလို့ရလာသလိုပါဘဲ။
သူပြောမှသိလိုက်ရတာ မြန်မာပြည်မှ ဂစ်တာဆရာကြီးက စောဘွဲ့မှူးဆိုတာရယ် သူသင်ပေးနေတဲ့ထွက်မလာသေးတဲ့ချစ်စမ်းမောင်ဆိုတာရယ် အဆိုတော်လွှမ်းမိုးကလဲ ဂစ်တာအတီးကောင်းတယ်ဆိုတာတို့
သီချင်းအေးအေးလေးတွေဆိုတဲ့ ခင်မောင်တိုး သီချင်းတွေမှာ စန္ဒယားလှထွတ်သား
ဇော်မျိုးထွတ်က သီချင်းဆိုလိုအပိုဒ်တွေမှာ ရော့စကေးဝင်အောင်ဘယ်လိုတီးတယ်ဆိုတာတွေကိုပြောပြတော့ သိလှပြီလို့ထင်ထားတဲ့ကျနော့်မှာ ပါးစပ်အဟောင်းသားပါ။
သူကဆက်ပြောပြပါသေးတယ် လူတွေက ရော့က်ဆိုရင်ဝုန်းဒိုင်းကြဲပြီးဆူနေအောင်တီးကြဆိုကြတာကိုထင်နေတယ်
အဲဒါမှားတယ် ရော့က်မှာလဲ အအေးလေးတွေရှိပါတယ်။ရော့က်ဆိုတာ ဂစ်တာတီးတဲ့စကေးတစ်ခုကိုသတ်မှတ်တယ်လို့ပြောပါတယ်။
သူက အရပ်ရှိုးပွဲလေးတွေမှာလဲ အပျော်တမ်းလိုက်တီးပါတယ် ပိုက်ဆံပေးငှားတယ်ဆိုတဲ့ပွဲမှာတောင် သူကပိုက်ဆံထပ်စိုက်ရတာများပါတယ်။
သူ့မှာလဲ ဂီတနဲ့ပါတ်သက်တဲ့အပေါင်းအသင်းတွေက အများကြီးပါ။
တစ်ရက်သူရန်ကုန်ကပြန်လာတဲ့အခါ ကျနော်နားထောင်ဘို့ဆိုပြီးကက်ဆက်ခွေလေးတစ်ခွေယူလာပါတယ်။
ရော့က်အဆိုတော်အသစ် အသံအစုံမထည့်ရသေးဘူး ခွေကြမ်း (၃)ပုဒ်ထဲဘဲပါ ပါတယ်။
(သန်းခေါင်ယံ ညနက်ထဲ သံစဉ်များနဲ့……………….အလင်းရောင်………..ရင်ခုန်သံတွေနီးစပ်ပါရစေအချစ်ရေ……………..)ပါဘဲ။
အဲဒီထဲမှာပါတဲ့ကျန်တဲ့သီချင်းတွေကတော့လုံးဝအမြူးတွေပါ။
ဘယ်သူလဲလို့မေးတော့ မကြာခင်ထွက်မဲ့ အဆိုတော်အသစ် ပါတဲ့။
နောက်ခွေထွက်မှသိလာရတာကတော့ ကျနော်ဆီပါလာတဲ့သီချင်းက
(အလင်းရောင် ဆိုတဲ့ အလွမ်းသီချင်းလေးရယ်
ကမ္ဘာကြီးကလုံးပြီးဝိုင်းနေတော့ရယ်
ညရဲ့ဆူး ဆိုတဲ့သီချင်းရယ်ပါ။ )
ဒါလေးနားထောင်ပြီးလို့မကြာခင်မှာဘဲ ကန္တာရလမင်းဆိုတဲ့ခွေလေးနဲ့ လေးဖြူဆိုတဲ့
မြန်မာပြည်က ရိုးရိုးလေးဝတ်လို့ အေးအေးလေးနေတတ်သူ ရော့က်ကာတစ်ယောက်ကိုမွေးဖွားပေးလိုက်ပါတော့တယ်။
အပိုင်း (၂) ကိုမကြာခင် တင်ဆက်ပါမည်။
မှတ်ချက်။ ။ ဤ ဆောင်းပါးပါအကြောင်းအရာများသည် အခြားအခြားသော website နှင့် blog များ group များမှ ရယူဖော်ပြခြင်းသာဖြစ်ပါသည်။ We Love Music ၏ မူပိုင်မဟုတ်ကြောင်း အသိပေးအပ်ပါသည်။ လေးဖြူချစ်သူများအားလည်း လွတ်လပ်စွာ ပြန်လည် မျှဝေခွင့်ပြုပါသည်။
No comments:
Post a Comment