ခရီးသည်တင်ယာဉ် အရှိန်လွန်တိမ်းမှောက်ခဲ့၍ (၂၄)ဦးဒဏ်ရာရ
၂၆.၃.၂၀၁၄ ရက်နေ့ ၀၉၀၀အချိန်တွင် ဒဂုံဆိပ်ကမ်းမြို့နယ်၊ (၆၈)ရပ်ကွက်၊
ကွမ်ကပ်မင်းသားလမ်း အတိုင်း ဒဂုံမြို့သစ်(ဆိပ်ကမ်း)မြို့နယ်ဘက်မှ
ဒဂုံမြို့သစ်(တောင်ပိုင်း)မြို့နယ်ဘက်သို့ ယာဉ်မောင်း
(စုံစမ်းဆဲ)မောင်းနှင်လာသော 2A---- NISSAN Atals အမျိုးအစား
(၁၀၆)ယာဉ်လိုင်း ခရီးသည်တင်ယာဉ်သည် မြနန္ဒာလမ်းထိပ်အရောက်
မျက်နှာချင်းဆိုင်မှ လာသော ယာဉ်အားတိမ်းရှောင်ရာမှ လမ်း၏ယာဘက်သို့ ထိုးကျ
တိမ်းမှောက်သွားခဲ့ပြီး ယာဉ်မောင်းမှာ အခင်းဖြစ်နေရာ၌ယာဉ်ကိုထားကာ
ထွက်ပြေးတိမ်းရှောင်သွားခဲ့ပါသည်။
အဆိုပါ ယာဉ်တိမ်းမှောက်မှုကြောင့် ယာဉ်ပေါ်ပါခရီးသည် ကျား(၁၃)ဦး၊ မ(၁၁)ဦး၊
ပေါင်း(၂၄)ဦးတို့ တွင်
ဖူးရောင်နာကျင် ဒဏ်ရာများ အသီးသီး ရရှိခဲ့သဖြင့်
သင်္ဃန်းကျွန်း စံပြဆေးရုံကြီး၌ အတွင်း/ပြင်ပလူနာများအဖြစ် တက်ရောက်ကုသ
ခဲ့ရပါသည်။
ယင်းကဲ့သို့ ယာဉ်မဆင်မခြင်မောင်းနှင်သူ ယာဉ်မောင်း(စုံစမ်းဆဲ)ကို
ဒဂုံဆိပ်ကမ်းမြို့မရဲစခန်းယာဉ် (ပ)၉/၂၀၁၄၊ ပြစ်မှုပုဒ်မ- ၂၇၉/၃၃၇/ ၃၃၈/၂၀၂
ဖြင့် အမှုဖွင့်ကာ ဖမ်းဆီးရမိရေး စုံစမ်းဆောင်ရွက်လျက်ရှိ
ကြောင်း သတင်းရရှိပါသည်။
Yangon Police
No comments:
Post a Comment