ငယ်ငယ်ကတည်းက အနုပညာနဲ့ရင်းနှီးကျွမ်းဝင်ခဲ့တဲ့ ပိုင်ဖြိုးသုဟာ ခုဆိုရင်ဖြင့် ကျောင်းတစ်ဖက်နှင့် အနုပညာအလုပ်တွေကို ပြန်လည် လုပ်ကိုင်လာနေပြီဖြစ်ပါတယ်။ ကျောင်းတက်လိုက်၊ အနုပညာအလုပ်လုပ်လိုက်နဲ့ သူမရဲ့အချိန်တွေကို အကျိုးရှိစွာ အသုံးချနေတဲ့ ပိုင်ဖြိုးသုကို ရှုတင်တစ်ခုမှာတွေ့ဆုံခိုက် သိလိုရာတွေကို မေးမြန်းကြည့်လိုက်တော့ သူမက ‘ခုရိုက်နေတဲ့ ကားလေးက ရိုးမြေကျခေါင်းခါသည်တဲ့။ အန်ကယ်လေးနဲ့ပါ။ ညီမက အဖေနဲ့မိထွေးနဲ့နေရတယ်။ ပိုက်ဆံသိပ်မရှိဘူး။ ရပ်ကွက်ထဲမှာ ကရာတေးတွေ ဘာတွေသင်တယ်။ မိထွေးနဲ့နေရတော့ ဂျစ်ကျတာပေါ့။ ယောကျာ်းဆန်တဲ့ ကာရိုက်တာမျိုးလေးပေါ့။ အ၀တ်အစားကအစ ယောင်္ကျားဆန်ဆန် အကွက်လေးတွေနဲ့ဆံပင်ဆို စည်းလိုက်တယ်။ မိတ်ကပ်ကို ခပ်ဖျော့ဖျော့ပဲ တင်ထားပါတယ်’တဲ့။
လက်ရှိမှာ ထွက်ထားတဲ့ ဆဌမမြောက်အခန်းကားလေးနဲ့ပတ်သတ်ပြီးတော့လည်း ‘အဲ့ဒီကားလေးကို ကြိုက်ကြ တယ်လို့ပြောကြပါတယ်။ အမူအရာလဲဆန်းတယ်။ ကာရိုက်တာလဲ ဆန်းတယ်ဆိုတော့ ကြည့်တဲ့သူတွေကတော့ သဘောကျတယ်လို့ပြောတယ်။ အခွေထွက်လာလို့ ပြန်ကြည့်တဲ့အခါကျတော့ သရုပ်ဆောင်ပိုင်းကတော့ တစ်ခုမဟုတ်တစ်ခု လိုနေတာပဲ။ တစ်ခါမှ စိတ်တိုင်းကျတယ်လို့ကို မရှိဘူး။ ဒါပေမဲ့ အဲဒီကားလေးကို ရိုက်ခွင့်ရတဲ့အတွက် ကျေနပ်တယ်။ ဇာတ်လမ်းလေးက ဆန်းတာကိုး။ ပျော်လဲပျော်ပါ။ အခုက တစ်လတစ်ကားပဲရိုက်ဖြစ်တယ်။
ဒီတစ်လထဲ နှစ်ကားဖြစ်သွားတယ်။ ရှေ့လကျရင် သုက စာမေးပွဲဖြေရမှာဆိုတော့နားမှာလေ။ အဲ့ဒါကြောင့် ဒီလကို နှစ်ကားပေးလိုက်တာပါ။ ကျောင်းကတက်ဖက်၊ အနုပညာအလုပ်က တစ်ဖက်ဆိုတော့ သုမှာ အားလပ်ချိန်ဆိုတာ တကယ်ကိုမရှိဘူး။ အမှန်အတိုင်းပြောရရင် သုမှာ ကျူရှင်နဲ့ကျောင်းနဲ့၊ ရှုတင်နဲ့ဆေးရုံနဲ့ကို အလျင်မီအောင်သွားရတယ်။ ဒါရိုက်တာတွေကလဲ သုအခန်းမပါရင်ပြန်ခိုင်းပါတယ်။ ညှိပြီး လုပ်နေရတာပေါ့နော်။ အရမ်းပင်ပန်းလာတဲ့ခါဆိုရင် ရှုတင်ကအပြန် စာလုံးဝမကျက်တော့ဘူး။ တချို့ရက်တွေဆို အရမ်းပင်ပန်းရင် စာမကြည့်ဘဲ သူငယ်ချင်းတွေနဲ့ဖုန်းပြောတယ်။ အင်တာနက်သုံးတယ်။ ရုပ်ရှင်ကတော့ သုတော်တော်ကြည့်ဖြစ်တယ်။ ဒီရက်ပိုင်းမှ မကြည့်ဖြစ်တော့တာ’လို့ သူက ပြောပါတယ်။
Trend Myanmar
No comments:
Post a Comment