အဆိုပါ အမှုကို ရန်ကင်းမြို့နယ် (၁၂)ရပ်ကွက်၊ လူငယ်မေတ္တာလမ်း၊ အမှတ် (၃၂၅)နေ အသတ်ခံရသူ၏ ယောက်က္ခမတော်စပ်သူ ဒေါ်နီနီ (၅၁)နှစ်က အမှုဖွင့် တိုင်တန်းထားသည်။
ယင်းနေ့ ည ၁ဝနာရီ ၄၅ မိနစ်အချိန်က အတူနေ သားမတ်ဖြစ်သူ မင်းမင်းဦး (၂၅)နှစ်မှာ ဓါးခုတ်ခံရသဖြင့် မေတ္တာရိပ်သာ လမ်းဘေးတွင် လဲနေကြောင်း တူမဖြစ်သူက လာရောက် ပြောပြသဖြင့် တရားလိုက သမီးဖြစ်သူ မတင်နွယ်ဝင်းကို သွားရောက် ကြည့်ရှုစေခဲ့သည်ဟု ဆိုထားသည်။
ထို့ကြောင့် မင်းမင်းဦးသည် ချစ်ပို (စုံစမ်းဆဲ)ဆိုသူနှင့် စကားများရန်ဖြစ်ရာမှ ဓါးဖြင့်ခုတ်ခံရသဖြင့် လည်းပင်ပြတ်ရှဒဏ်ရာ (၁)ချက်၊ နောက်စေ့ပြတ်ရှ ဒဏ်ရာ(၂)ချက်၊ ယာလက်ပြင် ပြတ်ရှဒဏ်ရာ (၃)ချက်၊ ဝဲလက်မောင်း ပြတ်ရှဒဏ်ရာ (၁)ချက်တို့ဖြင့် သေဆုံးနေသည်ကို တွေ့ရှိခဲ့သည်ဟု ဆိုထားသည်။
ပြစ်မှုကျူးလွန်သူမှာလည်း ထွက်ပြေးသွားသဖြင့် စုံစမ်းအရေးယူပေးရန် ယောက္ခမဖြစ်သူက အမှုဖွင့် တိုင်တန်းလိုက်ခြင်း ဖြစ် သည်။
“ကျွန်တော်တို့ ပြစ်မှုကျူးလွန်သူကို မိထားပါပြီ။ အရက်မူးနေကြပြီး လမ်းသွားစဉ် ပခုံးချင်း တိုက်မိရာက ရန်ဖြစ်ခဲ့ကြတာပါ။ ဒီနောက် အိမ်က ဓါးပြန်ယူပြီး ခုတ်သတ်ခဲ့တယ်လို့လည်း ဝန်ခံထွက်ဆိုချက် ရရှိထားပါတယ်” ဟု ရန်ကင်းရဲစခန်းမှူး ဒုရဲမှူးဇော်ဇော်က ပြောသည်။
ထို့ပြင် သေဆုံးသူမှာ ခေါင်းဖြတ်သတ်ဖြတ် ခံရခြင်းမဟုတ်ဘဲ လည်ပင်းပြတ်လုနီးပါး ဒဏ်ရာဖြင့် သေဆုံးခဲ့ခြင်း ဖြစ်သည်ဟု ၎င်းက ဆိုသည်။
အဆိုပါ အမှုကို ရဲစခန်းက (ပ)၄၅/၂ဝ၁၄ ဖြင့် အမှုဖွင့်၍ တိုင်းတန်းခံထားရသည့် ချစ်ပိုဆိုသူကို လိုက်လံဖမ်းဆီးခဲ့ပြီး လက်ရှိတွင် လူသတ်မှု ပုဒ်မ ၃ဝ၂ ဖြင့် အရေးယူရန် စစ်ဆေးလျက်ရှိသည်။
Mizzima Burmese
No comments:
Post a Comment