လျှပ်စစ်ချွတ်ယွင်းမှုကြောင့် မလေးရှားလေယာဉ် ဟောင်ကောင်သို့ လမ်းကြောင်းပြောင်းရ

လျှပ်စစ်ချွတ်ယွင်းမှုကြောင့် မလေးရှားလေယာဉ် ဟောင်ကောင်သို့ လမ်းကြောင်းပြောင်းရ MH066 ခရီးစဉ်အဖြစ် ပျံသန်းသော Airbus A330-300 အမျိုးအစား လေယာဉ်သည် ကွာလာလမ်ပူမှ တောင်ကိုရီးယားနိုင်ငံ၊ ဆိုးလ်မြို့တော်သို့ ပျံသန်းရင်း တနင်္လာနေ့ နံနက်အစောပိုင်းက ပြဿနာ ကြုံခဲ့ခြင်းဟု လေကြောင်းလိုင်း ပြောရေးဆိုခွင့်ရ အရာရှိ တစ်ဦးက အတည်ပြုခဲ့သည်။

မလေးရှား လေကြောင်းလိုင်းပိုင် ခရီးသည်တင် လေယာဉ်တစ်စင်းသည် လျှပ်စစ်ဆိုင်ရာ ချွတ်ယွင်းချက် တစ်ခုကြောင့် မူလလမ်းကြောင်းမှ သွေဖီကာ ဟောင်ကောင်၌ အရေးပေါ် ဆင်းသက်ခဲ့ရကြောင်း သိရှိရသည်။ မလေးရှား လေကြောင်းလိုင်းမှ MH370လေယာဉ် ပျောက်ဆုံးနေမှု (၂)ပတ်ကျော် ကြာမြင့်ခဲ့သည့်နောက် နောက်ထပ် ခေါင်းခဲစရာ ပြဿနာ တစ်ရပ်နှင့် လေကြောင်းလိုင်း တာဝန်ရှိသူများ ကြုံတွေ့လာခြင်း ဖြစ်သည်။

MH066 ခရီးစဉ်အဖြစ် ပျံသန်းသော Airbus A330-300 အမျိုးအစား လေယာဉ်သည် ကွာလာလမ်ပူမှ တောင်ကိုရီးယားနိုင်ငံ၊ ဆိုးလ်မြို့တော်သို့ ပျံသန်းရင်း တနင်္လာနေ့ နံနက်အစောပိုင်းက ပြဿနာ ကြုံခဲ့ခြင်းဟု လေကြောင်းလိုင်း ပြောရေးဆိုခွင့်ရ အရာရှိ တစ်ဦးက အတည်ပြုခဲ့သည်။

ထို့ကြောင့် လေယာဉ်ကို မူလလမ်းကြောင်းမှ ခွဲထွက်ကာ ဟောင်ကောင်သို့ ဦးတည်ပျံသန်းပြီး ဆင်းသက်ခဲ့ရသည်။ “လျှပ်စစ်ပြဿနာ ကြုံခဲ့ပေမယ့် စွမ်းအင်ထောက်ပံ့မှုအပိုင်းမှာတော့ အပိုဆောင်း ပါဝါယူနစ်က ပုံမှန် အလုပ်လုပ်နိုင်ခဲ့ပါတယ်”ဟု မလေးရှား လေကြောင်းမှ တာဝန်ရှိသူ တစ်ဦးက ဆိုသည်။ ၎င်းက အသေးစိတ် အချက်အလက်များကို ပြောဆိုရန်မူ ငြင်းဆန်ခဲ့သည်။ ဟောင်ကောင်လေဆိပ် တာဝန်ခံ အမျိုးသမီး တစ်ဦးက လေယာဉ်သည် ဒေသစံတော်ချိန် နံနက်(၃)နာရီတွင် အမှားအယွင်းမရှိ ဘေးကင်းရန်ကင်း ဆင်းသက်နိုင်ခဲ့ကြောင်း ပြောကြားသွားသည်။

လေယာဉ်ပေါ်တွင် ခရီးသည် (၂၇၁)ဦး လိုက်ပါလာပြီးယင်းတို့ကို အခြားလေယာဉ် တစ်စင်းပေါ် ပြောင်းရွှေ့ပေးခဲ့သည်။ လတ်တလောတွင် မလေးရှားလေကြောင်း၏ MH370 လေယာဉ်ကို ရှာဖွေနေဆဲဖြစ်ပြီး တရုတ်နှင့် ပြင်သစ်ဂြိုဟ်တုများက လေယာဉ်ပျက်၏ အစိတ်အပိုင်းဟု ယူဆရသော အရာဝတ္ထုများကို နေရာ(၃)ခုတွင် တွေ့ရှိထားပြီး ယင်းတို့ကို စိစစ်ရန် လုပ်ဆောင်နေဆဲဟု သိရှိရသည်။

Planet Myanmar Network.