သူ့ရဲ့ အာရှခရီးစဉ်အတွင်း အစိုးရထိပ်တန်းတာဝန်ရှိသူတွေနဲ့အတူ အရပ်ဖက်လူမှု လူ့အဖွဲ့အစည်းအသီးသီးက ကိုယ်စားလှယ်တွေနဲ့ပါ တွေ့ဆုံမှာဖြစ်ပါတယ်။ မြန်မာနိုင်ငံကို လာရောက်စဉ်အတွင်း မြန်မာ အမေရိကန် ၂ နိုင်ငံ အရေးကိစ္စတွေအပြင် ဒေသတွင်းကိစ္စရပ်တွေကိုပါ ဆွေးနွေးဖို့ ရှိပါတယ်။
လက်ထောက်နိုင်ငံခြားရေးဝန်ကြီး Sherman ဟာ အရင်က သမ္မတဟောင်း ကလင်တန်ရဲ့ အထူးအကြံပေးအဖြစ်နဲ့ရော မြောက်ကိုရီးယား ဆိုင်ရာ မူဝါဒညှိနှိုင်းရေးမှူးတာဝန် ကိုပါထမ်းဆောင်ခဲ့သူ တဦးဖြစ်ပြီး ဥပဒေရေးရာ လက်ထောက်နိုင်ငံခြားရေးဝန်ကြီး တာဝန်ကိုလည်း ထမ်းဆောင်ခဲ့သူဖြစ်ပါတယ်။
ဒါ့အပြင် သူဟာ ကာကွယ်ရေးဝန်ကြီးဌာနရဲ့ ကာကွယ်ရေးမူဝါဒဆိုင်ရာအကြံပေး ဘုတ်အဖွဲ့ဝင်တဦးဖြစ်ခဲ့သလို Oxfam ဆင်းရဲမွဲတေမှုနဲ့ မတရားမှုတိုက်ဖျက်ရေး နိုင်ငံတကာအဖွဲ့ကြီးရဲ့ Oxfam America ညွှန်ကြားရေးမှူးများ ဘုတ်အဖွဲ့အကြီးအကဲတဦး အဖြစ်လည်း တာဝန်ယူခဲ့သူ ဖြစ်ပါတယ်။
voanews/ burmese.
No comments:
Post a Comment