ကာမေသုမိစ္ဆာစာရ

ကာမေသုမိစ္ဆာစာရဆိုတာ ပါဠိစကားလုံးပါ..
ခွဲခြမ်းစိပ်ဖြာကြည့်မယ်ဆိုရင် ကာမေသု+မိစ္ဆာ+အာစာရ လို့ သုံးပုဒ်ထွက်ပါတယ်..
ကာမေသုပုဒ်အရ ကာမဆိုတဲ့အရာနှစ်မျိုးရှိပါတယ်
၁။ အဝတ်အစား အိပ်ရာနေရာ ရွှေငွေဥစ္စာအသုံးအဆောင် ဇိမ်ခံပစ္စည်း စတာတွေမှာ
တပ်မက်နှစ်သက် ဖြစ်ပေါ်တတ်တဲ့ ဝတ္ထုကာမနဲ့
 
၂။ မိန်းမ ယောက်ျားနှစ်ဦးသားတို့ ဆန္ဒတူတူမတူတူပဲ ခံစားကြတဲ့ တဏှာရာဂနဲ့စပ်တဲ့
ကာမဂုဏ်အာရုံခံစားမှု ကိလေသာကာမတို့ဖြစ်ပါတယ်..

`မိစ္ဆာ´ဆိုတာ ဖောက်ပြန်မှားယွင်းမှုလို့ အဓိပ္ပာယ်ရပြီး `အာစာရ´ဆိုတာက အကျင့်ပါ..
အားလုံးပေါင်းစပ်လိုက်တဲ့အခါ
"အထက်ဖော်ပြပါ ကာမတွေမှာ ဖောက်ပြန်မှားယွင်းစွာ ပြုကျင့်လုပ်ဆောင်ခြင်း"လို့
အဓိပ္ပာယ်အပြည့်အစုံ ရပါတယ်..


အမျိုးသားဖြစ်စေ အမျိုးသမီးဖြစ်စေ
တစ်ဦးနဲ့တစ်ဦး ဆန္ဒတူတူ မတူတူ မှောက်မှားခဲ့တာများ ရှိခဲ့သလား? မရှိခဲ့ဘူးလား?ဆိုတာ မိမိကိုယ်ကို
မလိမ်ညာပဲ ရဲရဲတွေးကြည့်ပါ..
"နှစ်ဦးသဘောတူ ဖြစ်ခဲ့တာပဲလေ"ဆိုပြီး
ဖြေတွေး မတွေးလိုက်ပါနဲ့..

အိမ်ထောင်ရှိရှိမရှိရှိယောက်ျားတစ်ယောက်အနေနဲ့
မသွားလာအပ်တဲ့ မိန်းမအမျိုးအစား နှစ်ဆယ်ရှိပါတယ်..အဲဒါတွေကတော့
၁။မိခင်ကိုယ်တိုင် စောင့်ရှောက်အုပ်ထိန်းထားတဲ့
မိန်းမ..

၂။ဖခင်ကိုယ်တိုင် စောင့်ရှောက်အုပ်ထိန်းထားတဲ့
မိန်းမ..

၃။မိဘနှစ်ပါးစုံ စောင့်ရှောက်အုပ်ထိန်းထားတဲ့
မိန်းမ..

၎။မောင်ကြီးမောင်ငယ်
စောင့်ရှောက်အုပ်ထိန်းထားတဲ့ မိန်းမ..

၅။အစ်မ ညီမ စောင့်ရှောက်အုပ်ထိန်းထားတဲ့ မိန်းမ

၆။ဆွေမျိုး စောင့်ရှောက်အုပ်ထိန်းတဲ့ မိန်းမ..

၇။အမျိုးအနွယ်တူ စောင့်ရှောက်အုပ်ထိန်းထားတဲ့ မိန်းမ..

၈။တရားကျင့်ဖော် ကျင့်ဖက်က စောင့်ရှောက်အုပ်ထိန်းထားတဲ့ မိန်းမ..
(စတဲ့ စောင့်ရှောက်အုပ်ထိန်းသူရှိတဲ့ မိန်းမ ၈ယောက်)

၉။မိခင် ကိုယ်ဝန်တည်ကတည်းက ပြောဆိုကြောင်းလမ်းပြီးသော မိန်းမ..

၁၀။မင်းများ တော်ကောက်ယူရန် သတ်မှတ်ထားသော မိန်းမ..

၁၁။ဥစ္စာဖြင့်ဝယ်၍ ပေါင်းသင်းနေထိုင်သော မိန်းမ..

၁၂။အလိုတူ၍..

၁၃။စည်းစိမ်အပ်နှင်း၍..

၁၄။အဝတ်တန်ဆာဆင်ပေး၍..

၁၅။လူကြီးစုံရာ ပြောကြား တောင်းယူ၍..

၁၆။ထင်းခွေ ရေခပ် စသည် တောက်တိုမယ်ရ လုပ်ကိုင်ပေးရသောမိန်းမကို ထိုအလုပ်များ မလုပ်စေပဲ ပေါင်းသင်းနေထိုင်သော..

၁၇။မယားပြုခံရသော ကျွန်မ..

၁၈။မယားပြုခံရသော အိမ်ဖော်အလုပ်သမ..

၁၉။မယားအဖြစ် ပေါင်းသင်းခံရသော သုံ့ပန်းမိန်းမ

၂၀။ပြည့်တန်ဆာမ
ဆိုပြီး စုစုပေါင်း နှစ်ဆယ်ဖြစ်ပါတယ်..

ဒီနှစ်ဆယ်ထဲက ရှေ့ပိုင်း ၁ ကနေ ၈ အထိ မိန်းမ ၈ယောက်တို့ဟာ အုပ်ထိန်းသူရှိပေမယ့် သူတို့ရဲ့တွေ့ထိခံစားမှု ဖဿအာရုံ သဘောတရားကို အုပ်ထိန်းသူတို့က မပိုင်ကြပါဘူး..
(စော်ကားမှု အနိုင်ကျင့်မှု မတော်တရော်လုပ်မှု စသည်တို့မဖြစ်အောင် ကာကွယ် တားဆီး စောင့်ရှောက်နိုင်ရုံမျှသာ)

ပထမဦးစွာ အမျိုးသမီးဘက်ကနေ ပြောပါမယ်..
အထက်ဖော်ပြပါ အမျိုးသမီး၈ယောက်အနေနဲ့ အရွယ်ရောက်ပြီးဖြစ်ပေမယ့် အုပ်ထိန်းသူရှိပေမယ့် ကာမပိုင် လင်ယောက်ျားမရှိသေးတာကြောင့် အခြားယောက်ျားနဲ့ နှစ်ဦးသဘောတူ ကျူးလွန်မိကြမယ်ဆိုရင် ကာမေသုမိစ္ဆာစာရကံ မထိုက်ကြပါဘူး..
ဒါပေမယ့် အဲဒီအမျိုးသမီး ၈ယောက်ဟာ ငါတို့မှာ ကာမေသုမိစ္ဆာစာရကံမထိုက်ဘူးလို့လည်း ဝမ်းမသာကြစေချင်ပါဘူး..
ကံမထိုက်ပေမယ့်
ကာမေသုမိစ္ဆာစာရ-ကာမဖောက်ပြန်တဲ့ အကုသိုလ်ကံတော့ ဖြစ်ပါတယ်..

သဘောပေါက်အောင် ထပ်ရှင်းရရင်တော့ ကံထိုက်သူဟာ အပါယ်ငရဲသို့ အမှန်မသွေကျရောက်နိုင်ပြီး
ကံမထိုက်သူက အပါယ်ငရဲကျရောက်စေနိုင်တဲ့ ကံကို တွန်းအားပေးတာနဲ့တူတယ်လို့ မှတ်သားကြစေချင်ပါတယ်..
ယခုမျက်မှောက်ဘဝမှာတော့ အခန့်မသင့်လို့ မဖြစ်သင့်တာတွေဖြစ်လာခဲ့ရင် အရှက်တကွဲ အကျိုးနဲဖြစ်ရတတ်ပါတယ်..
ပူပန်သောက ရောက်ရတတ်ပါတယ်..
ထို အကုသိုလ်ကံကြောင့် အပါယ်ငရဲကို ကျရောက်နိုင်ပါတယ်..

နံပါတ်(၉)နဲ့နံပါတ်(၁၀)မိန်းမနှစ်မျိုးကတော့ ရည်စူးသတ်မှတ်ထားသူ ရှိပြီးသားဖြစ်လို့ တစ်ခြားယောက်ျားတစ်ယောက်နဲ့ ကျူးလွန်မိတယ်ဆိုရင် ကာမေသုမိစ္ဆာစာရကံ ထိုက်ပါတယ်..
အနှစ်ချုပ်လိုက်တဲ့အခါ ၉ ကနေ ၂၀အထိ မိန်းမ ၁၂မျိုးဟာ ကာမပိုင်လင်ယောက်ျား ရှိပြီးသား ဖြစ်တာကြောင့် အခြားယောက်ျားမပြောနဲ့ တိရစ္ဆာန်အထီးနဲ့တောင်မှ ကာမဖောက်ပြန်ရင် ကာမေသုမိစ္ဆာစာရကံ ထိုက်ပါတော့တယ်..
ဘာကြောင့်လဲဆိုတော့ လင်ယောက်ျားပိုင်ထားပြီဖြစ်တဲ့ မိမိကာမဂုဏ် အတွေ့အထိ(ဖဿ)ကို မိမိလင်ယောက်ျားမသိအောင် တစ်ခြားသူကို ပေးအပ်မွေ့လျော်စေတာကြောင့် ဖြစ်ပါတယ်..

ယောက်ျားတွေဘက်ကို ပြောရမယ်ဆိုရင်တော့..
ဖော်ပြပါ မိန်းမ ၂၀ ထဲက တစ်ယောက်ယောက်နဲ့ ကာမကျူးလွန်မိရင်ကို ဧကန်မုချ ကာမေသုမိစ္ဆာစာရကံ ထိုက်တယ်ဆိုတာပါပဲ..
နောက်ထပ် တစ်ခုကတော့ အပြစ်ကြီးငယ်ကိစ္စဖြစ်ပါတယ်..
အမျိုးသမီးရဲ့ ဂုဏ်တရားနဲ့ ဆိုင်ပါတယ်..
ကိုယ်ကျင့်သီလရှိတဲ့အမျိုးသမီးကို ကျူးလွန်မိရင် ပိုပြီးအပြစ်ကြီးပါတယ်..
သီလမရှိတဲ့ မိန်းမပဲဆိုပြီး နိုင်ထက်စီးနင်း ကျူးလွန်မိခဲ့ရင်လည်း အပြစ်ကြီးတာပါပဲ..
နှစ်ယောက်အလိုတူ ကျူးလွန်ရင်တော့ အပြစ်သေးပါတယ်..

မိန်းမဘက်ကဖြစ်စေ ယောက်ျားဘက်ကဖြစ်စေ-
၁။မှားယွင်းလိုသော စိတ်သဘောလည်းမရှိ..
၂။အလိုဆန္ဒလည်းမတူညီပဲ နိုင်ထက်စီးနင်း လွန်ကျူးခံလိုက်ရရင် ကျူးလွန်ခံလိုက်ရသူမှာ ကာမေသုမိစ္ဆာစာရကံ မဖြစ်ပါဘူး..
ကျူးလွန်သူမှာသာ ဖြစ်တာပါ..

အိမ်ထောင်ရှိ ယောက်ျားတွေအဖို့ အထက်ဖော်ပြပါ
မိန်းမ၂၀ကိုကျူးလွန်မှ ကာမေသုမိစ္ဆာစာရကံထိုက်တာ မဟုတ်သေးပါဘူး..
မိမိ တရားဝင်လက်ထပ်ပေါင်းသင်းယူထားတဲ့ မိန်းမကိုတောင်မှ ကျူးလွန်သွားလာရင် ကံထိုက်တဲ့အခါတွေ ရှိပါသေးတယ်..
ဒါတွေကတော့-
၁။ရောဂါ(သို့)ကိုယ်ဝန်အလွန်ရင့်နေသောအခါ
၂။မိဘဆရာ သူတကာတို့ အမြင်မသင့်သောနေရာ
၃။ကျင့်ရိုးမဟုတ်ကျင့်ခြင်း
၎။ဆေးဝါးမှီဝဲ ရှိမြဲအင်္ဂါထက်လွန်သောအခါ
တို့ ဖြစ်ပါတယ်..

ဒါကြောင့် ကာမေသုမိစ္ဆာစာရအရာဆိုတာ လွယ်လွယ်တွေးရင် လွယ်လွယ်ပဲသိပြီး သေချာလေ့လာရင်တော့ ကြောက်စရာကောင်းတဲ့ ကိစ္စတစ်ခုဖြစ်တယ်ဆိုတာ သတိပြုစေချင်ပါတယ်..

အကုသိုလ်ကံအကျိုးပေးပုံကို လက်တွေ့ကျကျမမြင်ရသူ ကံကိုမယုံကြည်သူတွေအဖို့ကတော့ ဒီကာမေသုမိစ္ဆာစာရကိစ္စဟာ ထမင်းစားရေသောက် အလုပ်တစ်ခုလောက်ပဲ အဆင့်ရှိပါတယ်..
ဘုရားရှင်လက်ထက်တော်က ဘုရားရှင်ရဲ့အလုပ်အကျွေးအရှင်အာနန္ဒာနဲ့ ထေရီအဋ္ဌကထာမှာပါတဲ့ ဣသိဒါသီ အမည်ရှိတဲ့ ရဟန္တာထေရီမတို့ဟာ ရှေးဘဝကပြုမိခဲ့တဲ့ ကာမေသုမိစ္ဆာစာရကံရဲ့ အကျိုးကို ဘယ်လိုခံစားခဲ့ကြရတယ်ဆိုတာကိုတော့ စာရှည်မှာစိုးလို့ မဖော်ပြတော့ပါဘူး..

ကာမေသုမိစ္ဆာစာရ ကျူးလွန်သူများအနေနဲ့ သေလွန်တဲ့အခါ အပါယ်ငရဲကျပြီး လွတ်လို့ လူဖြစ်ရင်လည်း-
၁။လူမုန်းများခြင်း
၂။ရန်သူများခြင်း
၃။ပစ္စည်း လာဘ်ရှားပါးခြင်း
၎။ချမ်းသာသုခ မရခြင်း
၅။မျက်နှာပျက် အရှက်တကွဲ ဖြစ်ရခြင်း
၆။စိုးရိမ်သောကအားကြီးရခြင်း
၇။ချစ်သူနှင့် ကွေကွင်းရခြင်း
စတဲ့ မကောင်းတဲ့အကျိုးဆက်ကို ခံစားရနိုင်ပြီး
၈။ဖြစ်လေရာဘဝတွေမှာ မိန်းမဖြစ်ရခြင်း
၉။မိန်းမယောက်ျားအင်္ဂါနှစ်မျိုးလုံးမပါသူ(နပုန်းပဏ္ဍုက်)
၁၀။မိန်းမယောက်ျားအင်္ဂါနှစ်မျိုးလုံးပါသူ(ဥဘတောဗျည်း)
၁၁။ယောက်ျားမဟုတ် မိန်းမ မဟုတ် ဖြစ်ရခြင်း
၁၂။အမျိုးယုတ်မှာ ဖြစ်ရခြင်း
၁၃။ခြေလက်အင်္ဂါ ချို့ယွင်းခြင်းစတဲ့ မကောင်းကျိုးအနန္တကိုလည်း ခံရနိုင်ပါတယ်..

မိန်းမဖြစ်ရခြင်း အကြောင်းတရားတွေထဲမှာ ရှေးဘဝက ကာမေသုမိစ္ဆာစာရကံကျူးလွန်ခဲ့ခြင်း မိန်းမဘဝဖြစ်နေတာကို သာယာတပ်မက်မှုတဏှာရှိခြင်း ဆိုတဲ့ အချက်နှစ်ချက်ကို တွေ့ရပါတယ်..
ယခုဘဝအမျိုးသမီးဖြစ်နေသူတွေအနေနဲ့ (သံသရာဝဋ်ကမလွတ်သေးလို့)ယောက်ျားဘဝကို ရယူချင်တယ်ဆိုရင်တော့ ဒီဘဝမှာ ကာမေသုမိစ္ဆာစာရကံ မဖြစ်အောင် စောင့်ထိန်းပါ..
ယခုဘဝ မိမိ၏လင်ယောက်ျားကို ရိုရိုသေသေ လေးလေးစားစား ပြုစုလုပ်ကျွေးရပါမယ်(သိကြားမင်း၏မိဖုရားကဲ့သို့)..
ဒီကျင့်ဝတ်နှစ်ပါးကို ဆောင်ရွက်ကျင့်ကြံရင်း ယောက်ျားဘဝကိုရောက်အောင် ဆုတောင်းကျင့်ကြံအားထုတ်မယ်ဆိုရင် ဧကန်မုချ ယောက်ျားဘဝကို နောင်ကာလတွေမှာ ရနိုင်မှာဖြစ်ပါတယ်..

ကိုယ်ဒီဘဝ ယောက်ျားဖြစ်တယ်ဆိုပြီးတော့ ဘဝင်မြင့်နေလို့ မရပါဘူး..
ဘာလို့လဲဆိုတော့ ဗျာဒိတ်ရပြီးသား ဘုရားလောင်းပုဂ္ဂိုလ်တွေကလွဲရင်
[ဗျာဒိတ်ရတဲ့ဘဝကစပြီး ဘယ်တော့မှ မိန်းမ မဖြစ်တော့ပါဘူး။ ဗျာဒိတ်မရခင်ရှေ့မှာတော့
 ယောက်ျားလည်းဖြစ် မိန်းမလည်းဖြစ်ပါတယ်] အားလုံးဟာ ယောက်ျားဖြစ်လိုက် မိန်းမဖြစ်လိုက်နဲ့ သံသရာမှာ ကျင်လည်နေရတာပါ..
ဒါကြောင့် ယောက်ျားတွေအနေနဲ့ နောင်ဘဝတွေမှာပါ ယောက်ျားဘဝကိုရချင်ရင် ကာမေသုမိစ္ဆာစာရကံကို ဝေးဝေးက ရှောင်ကြဉ်သင့်ပါတယ်..

(မှတ်ချက်-မကောင်းမှုကိုပြုလုပ်နေပါလျက် ကောင်းကျိုးခံစားရသူ တစ်ချို့ကို တွေ့မြင်နိုင်ပါ၏။
ထိုသူပြုသော မကောင်းမှု အကုသိုလ်ကံက မကောင်းကျိုးပေးရန် အချိန်မရောက်သေးသောကြောင့်သာ ဖြစ်၏။ထို့ကြောင့် အကုသိုလ်ကံကို သေးသေးလေးဟု မှတ်ထင်ပြီး မပြုအပ်ချေ။)

တဒင်္ဂ တစ်ခဏ အပျော်အတွက် စိတ်အလို မလိုက်မိပါစေနှင့်..

---------------------

"ကာမရောဂါ ကိုယ်တွင်းနာကား
ကုရာ နတ္ထိ ဆေးမရှိဘူး..
မိမိပညာ သတိသာလျှင်
မဟာသြသဓ ဆေးမည်စွရှင့်"

(မဃဒေဝ)

MyawadyNews