ပြည်လမ်းအတိုင်း လှည်းတန်းခုံးကျော် တံတားဘက်သို့ မောင်းနှင်လာသည့် ဧရာဝတီတိုင်း ဒေသကြီး သတင်းရဲတပ်ဖွဲ့မှ တပ်သား အောင်ဇော်ဇော် မောင်းလာသည့် BMW ဆလွန်းအမျိုးအစား ယာဉ်မှာ အရှိန်မထိန်းနိုင် ဖြစ်ပြီး ယာဉ်စစ်ဆေးရေး ဘယ်ရီဂိတ်ကို တိုက်မိခဲ့ကြောင်း၊ ယင်းနောက် ဆက်လက်၍ လမ်းလယ်ရှိ ဘလောက်တုံး လေးတုံးကို ထပ်မံ ဝင်တိုက်ခဲ့ရာ ဘယ်ရီတုံးမှ လွင့်စင် ထွက်လာသော ကျောက်ခဲများက အနီးရှိ ယာဉ်စစ်ဆေးနေသော ယာဉ်ထိန်း ရဲတပ်ဖွဲ့ဝင် နှစ်ဦးကို ထိမှန်ကာ ဒဏ်ရာများ ရရှိခဲ့ခြင်း ဖြစ်ကြောင်း ၎င်းက ဆက်လက် ပြောကြားသည်။
အဆိုပါ ယာဉ်တိုက်မှုကြောင့် BMW ယာဉ်ကို လမ်းဘေး ရပ်နားထားပြီး ယာဉ်စစ်အဖွဲ့က စစ်ဆေး ဆောင်ရွက်နေစဉ် ယင်းနေ့ည ၁၁ နာရီ ၄၅ မိနစ်က လှည်းတန်း ခုံးကျော်တံတားဘက်မှ မောင်းလာသော ဗင်အမျိုးအစား အငှားယာဉ်က လမ်းလယ် ဘလောက်တုံးကို တိုက်မိပြီး တစ်ဖက် ယာဉ်ကြောသို့ ရောက်ရှိကာ အဆိုပါ ရပ်နားထားသော BMW ယာဉ်နှင့် မျက်နှာချင်းဆိုင်မှ မောင်းလာသော ပရိုဘောက်စ်ယာဉ် တစ်စီးတို့ကို ထပ်မံ တိုက်မိခဲ့ကြောင်း ရန်ကုန်တိုင်း ရဲတပ်ဖွဲ့ရုံးမှ သိရှိရသည်။
ယင်းယာဉ်တိုက်မှုကြောင့် BMW ယာဉ်ကို စစ်ဆေးနေသည့် ယာဉ်ထိန်း တပ်ဖွဲ့မှ ရဲတပ်ကြပ်ကြီး တစ်ဦးနှင့် ယာဉ်စစ်ဆေးရေး အကူ အရပ်သား နှစ်ဦးတို့ကို တိုက်မိခဲ့ကြောင်း အဆိုပါ ရဲတပ်ဖွဲ့ ရုံးထံမှ သိရသည်။
အဆိုပါ ယာဉ်တိုက်မှု နှစ်ကြိမ်ကြောင့် ဘလောက်တုံးမှ လွင့်စင် ထွက်လာသော ခဲများ ထိမှန်ခဲ့သည့် ရဲတပ်ဖွဲ့ဝင် နှစ်ဦးနှင့် ယာဉ်တိုက်ခံရသူ သုံးဦးတို့ကို အရေးပေါ် လူနာတင်ယာဉ်ဖြင့် ရန်ကုန် ပြည်သူ့ဆေးရုံကြီးသို့ ပို့ဆောင်ခဲ့ရကြောင်း ကမာရွတ်မြို့မ ရဲစခန်းထံမှ စုံစမ်း သိရှိရသည်။
ကမာရွတ်မြို့နယ် အမှတ် (၂) ရပ်ကွက် တံတားဖြူ မှတ်တိုင်အနီး ယာဉ်တိုက်မှု နှစ်ကြိမ် ဖြစ်ပွားခဲ့ရာမှ BMW ယာဉ်မောင်း ဖြစ်သူ ဧရာဝတီတိုင်း ဒေသကြီး သတင်း ရဲတပ်ဖွဲ့မှ တပ်သား အောင်ဇော်ဇော်ကို ယာဉ် (ပ) ၁၂/ ၁၄၊ ပုဒ်မ ၂၇၉၊ ၃၃၇ ဖြင့် လည်းကောင်း၊ ယာဉ်တိုက်မှုကြောင့် ရပ်နားထားသော ယာဉ်အပါအယင် ယာဉ်နှစ်စီးကို ဆင့်တိုက်ခဲ့သော လှိုင်မြို့နယ်တွင် နေထိုင်သူ အငှားယာဉ်မောင်း ကိုဇေယျာဖြိုးကို ယာဉ် (ပ) ၁၃/ ၁၄၊ ပုဒ်မ ၂၇၉/ ၃၃၇ ဖြင့် လည်းကောင်း အမှုဖွင့်ပြီး စစ်ဆေးလျက်ရှိကြောင်း ကမာရွတ်မြို့မ ရဲစခန်းမှ ရဲအရာရှိ တစ်ဦးက ပြောကြားသည်။
The Voice Weekly Myanmar
No comments:
Post a Comment