တိမ်းရှောင်သူကို သွားရောက် ဖမ်းဆီးစဉ်က ရဲတပ်ဖွဲ့ဝင် လေးဦးခန့်မှာ ဝိုင်းဝန်း ရိုက်နှက်ခံရကြောင်း၊ ယင်းကဲ့သို အရိုက်ခံရသူ ရဲတပ်ဖွဲ့ဝင်များအနက် ရဲတပ်ကြပ် မောင်မောင်နိုင်မှာ ဦးခေါင်းတွင် ပြတ်ရှ ဒဏ်ရာ၊ ဇက်ပိုးတွင် အရိုက်ခံရသည့် ဒဏ်ရာနှင့် မျက်ခုံးတွင် ပေါက်ပြဲဒဏ်ရာများဖြင့် ရန်ကုန် ပြည်သူ့ဆေးရုံကြီး ဦးနှောက်နှင့် အာရုံကြောကုဌာနတွင် ဆေးကုသမှု ခံယူလျက်ရှိရာ ငါးရက်အကြာတွင် သေဆုံးခဲ့ကြောင်း အဆိုပါစခန်းမှ ရဲတပ်ဖွဲ့ဝင်တစ်ဦးက ပြောကြားသည်။
အဆိုပါ ရဲတပ်ကြပ်ကြီးမှာ အသက် ၅၃ နှစ် အရွယ်ရှိပြီး ခရမ်းမြို့မ ရဲစခန်းဝင်းတွင် နေထိုင်ကြောင်း၊ ၎င်းသေဆုံးချိန်တွင် ဇနီးသည်နှင့် သားသမီးနှစ်ဦး ကျန်ရစ်ခဲ့ကြောင်း ခရမ်းမြို့မရဲစခန်း အသိုင်းအဝိုင်းထံမှ သိရှိရသည်။
“လူနှစ်ထောင်ကို ရဲတစ်ယောက်နှုန်းနဲ့ စောင့်ရှောက်နေရတဲ့အချိန်၊ ရဲတပ်ဖွဲ့ဝင် အင်အားနည်းနေချိန်မှာ တရားခံပြေးလည်း ဖမ်းရတယ်။ အရိုက်ခံရပြီး ရဲတပ်ကြပ်တစ်ယောက် ဆုံးရှုံးရတာကို စိတ်မကောင်းဘူး” ဟု ရန်ကုန်မြို့တွင်း တာဝန် ထမ်းဆောင်နေသော ရဲအရာရှိတစ်ဦးက ရှင်းပြသည်။
အဆိုပါ အမှုနှင့် ပတ်သက်၍ (ပ) ၃၆/၁၄ ပုဒ်မ ၃၃၃/၃၃၂/၃၅၃/၁၁၄ မှ ပြစ်မှုဆိုင်ရာ ဥပဒေ ၃၀၂/၃၃၂/၃၅၃/၁၁၄ ဖြင့် ဖေဖော်ဝါရီလ ၁၂ ရက်နေ့တွင် အမှုဖွင့်လှစ်ထားကြောင်း ရန်ကုန်တိုင်းဒေသကြီး ရဲတပ်ဖွဲ့ထံမှ သိရှိရသည်။
The Voice Weekly
No comments:
Post a Comment