စိတ်ကြွရူးသွပ် ဆေးပြား(၁၀)သိန်း ဖမ်းဆီးရမိ
၂၀၁၄ ခုနှစ်၊ မတ်လ ၈ ရက်နေ့ ညနေ ၆ နာရီ ၁၅
မိနစ်အချိန် ရန်ကုန်တိုင်းဒေသကြီး၊ အမှတ်(၂၄) မူးယစ်ဆေးဝါး
တားဆီးနှိမ်နင်းရေး ရဲတပ်ဖွဲ့စု(ရန်ကုန်အနောက်)မှ တပ်ဖွဲ့ဝင်များပါဝင်သော
ပူးပေါင်း အဖွဲ့သည် သတင်းအရ ရန်ကုန်တိုင်းဒေသကြီး၊
မင်္ဂလာတောင်ညွန့်မြို့နယ်၊ မြယာကုန်းလမ်းတွင် တာမွေမြို့နယ်၊
မအူကုန်းရပ်ကွက်နေ စိုးမိုးနိုင်(ခ) ဇေယျာအူဟောက်(၃၃)နှစ် မောင်းနှင်ပြီး
တာမွေမြို့နယ်၊ ကျောက်မြောင်းရပ်ကွက်နေ စောလွင်(ခ)စလင်း(၂၆)နှစ်
လိုက်ပါလာသည့် ၈က/×××× Corolla ဗင် အပြာရောင်ယာဉ်အား ရပ်တန့်စစ်ဆေးခဲ့သည်။
ထိုသို့စစ်ဆေးရာ ယာဉ်နောက်ခန်းအတွင်း ပီနံအိတ်ခွံဖြင့် လည့်ထားသော
အပြာရောင်ကပ်ခွာအိတ်များအတွင်းမှ WY စာတန်းပါ အနီရောင်စိတ်ကြွဆေးပြား
(၂၀၀၀၀၀)ပြား၊ တန်ဘိုးငွေကျပ်သန်း (၁၀၀၀)နှင့် လက်ကိုင်ဖုန်း ၁
လုံးတို့အားတွေ့ရှိသိမ်းဆည်းရမိ ခဲ့သည်။
စစ်ဆေးချက်အရ
စိုးမိုးနိုင်(ခ) ဇေယျာအူဟောက်၏ နေအိမ်အား ည ၇ နာရီအချိန်
သွားရောက်ရှာဖွေရာ နေအိမ်အိပ်ခန်း အတွင်း၌ ပီနံအိတ် ၁ လုံးတွင် WY စာတန်းပါ
အနီရောင် စိတ်ကြွဆေးပြား (၂၀၀၀၀၀)ပြား စီပါ ၄ အိတ်၊ စုစုပေါင်းဆေးပြား
(၈၀၀၀၀၀)ပြား၊ တန်ဘိုးငွေကျပ်သန်း (၄၀၀၀)အား ထပ်မံ ဖမ်းဆီး
ရမိခဲ့သောကြောင့် စိုးမိုးနိုင်(ခ) ဇေယျာအူဟောက်နှင့် စောလွင်(ခ)စလင်းတို့ ၂
ဦး အား မင်္ဂလာတောင်ညွန့် မြို့မရဲစခန်း မယ(ပ)၈/၂၀၁၄၊ မူးယစ်ဆေးဝါးနှင့်
စိတ်ကိုပြောင်းလဲစေသော ဆေးဝါးများ ဆိုင်ရာဥပဒေပုဒ်မ ၁၅/ ၁၉(က)/ ၂၁ ဖြင့်
အမှုဖွင့် အရေးယူထားကြောင်း သတင်းရရှိသည်။
No comments:
Post a Comment